Ný yfirlitsskrá Íslands vegna vinnu við heimsminjasamning UNESCO

Í byrjun febrúar 2011 afhenti mennta- og menningarmálaráðuneytið heimsminjaskrifstofu UNESCO nýja yfirlitsskrá Íslands í tengslum við samning UNESCO um verndun menningar- og náttúruminja heims frá árinu 1972.

Skv. 11. gr. heimsminjasamningsins gera aðildarríkin „yfirlitsskrá yfir þau verðmæti á yfirrráðasvæði sínu sem tilheyra menningar- eða náttúruarfleifðinni og sem eiga heima í heimsminjaskránni.“ Hér er einungis um að ræða lista yfir staði, sem viðkomandi ríki mun hugsanlega tilnefna á næstu árum, en ekki tilnefningar á heimsminjaskrá UNESCO.

Eftirfarandi staðir eru nú á yfirlitsskrá Íslands:

Náttúru- og menningarminjar:

• Breiðafjörður

Náttúruminjar:

• Þingvallaþjóðgarður
• Vatnajökulsþjóðgarður
• Mývatn og Laxá

Menningarminjar:

• Íslenskir torfbæir - raðtilnefning 14 torfhúsa
• Minjar frá víkingatíma - alþjóðleg raðtilnefning með þátttöku sex ríkja undir forystu Íslands.

Nánari upplýsingar um heimsminjasamninginn er að finna á heimasíðunni www.heimsminjar.is eða www.worldheritage.is.