Yfir 50 umsagnir um Orkustefnu fyrir Ísland

Stýrihópur sem iðnaðarráðherra skipaði síðla árs 2009 til að vinna heildstæða orkustefnu fyrir Ísland birti í janúar sl. drög að orkustefnu og má nálgast þau á vefsíðunni www.orkustefna.is

Ákveðið var að hafa opið umsagnarferli um drögin til að fá fram sjónarmið allra þeirra sem vildu láta sig málið varða. Skilafrestur umsagna var ákveðinn 9. febrúar en sökum fjölda tilmæla var hann framlengdur til 20. febrúar.

Alls barst 51 umsögn, 21 frá einstaklingum og 30 frá fyrirtækjum og stofnunum.

Stýrihópurinn mun á næstu vikum vinna að því að fara yfir umsagnirnar og í kjölfarið leggja lokaskýrslu fyrir iðnaðarráðherra.