Samningur við Heimili og skóla undirritaður

Í samningnum felst að Heimili og skóli munu annast símaráðgjöf fyrir foreldra barna í leik-, grunn- og framhaldsskólum. Markmið símaráðgjafar er að aðstoða fólk við að fylgja eftir málum ef þörf krefur þannig að viðeigandi úrlausn finnist hverju sinni. Samtökin munu einnig annast þjónustu og upplýsingagjöf við foreldraráð og foreldrafélög í leik,- grunn- og framhaldsskólum og fulltrúa foreldra í skólaráðum og skólanefndum sem miðist við að treysta sem best starfsemi þeirra. Samtökin munu einnig sjá til þess að upplýsingum fyrir foreldra um mál er varða uppeldi og aðkomu foreldra að skólastarfi sem og upplýsingar til foreldraráða, skólaráða, foreldrafélaga og bekkjarfulltrúa verði aðgengilegar á heimsíðu þeirra. Einnig er gert ráð fyrir að samtökin vinni að eflingu svæðasamtaka foreldraráða, skólaráða og foreldrafélaga með sérstaka áherslu áð efla starf þeirra á landsbyggðinni og koma á tengslum milli landshluta.
Meginmarkmið Heimila og skóla - landssamtaka foreldra er að stuðla að bættum uppeldis- og menntunarskilyrðum barna með því að hvetja til og styðja við jákvætt og öflugt samstarf heimila og skóla.