Vesturport hlýtur evrópsku leiklistarverðlaunin

Jóhanna Sigurðardóttir forsætisráðhera sendi í dag leikhópnum Vesturporti heillaóskir í tilefni af því að hópurinn veitti viðtöku evrópsku leiklistaverðlaununum.

"Ég vil óska ykkur í Vesturporti innilega til hamingju með evrópsku leiklistarverðlaunin.  Árangur ykkar og dugnaður er í senn heiður fyrir íslenska menningu, hvatning fyrir alla Íslendinga og markverður áfangi fyrir aðra sem áhuga hafa á að hasla sér völl í skapandi greinum á alþjóðavettvangi.  

Með bestu kveðju,

Jóhanna Sigurðardóttir, forsætisráðherra"