Kynningarfundur í Noregi um fyrirhugað útboð um olíuleit- og vinnslu

Þann 6. júní sl. var haldinn í Stavanger kynningarfundur Orkustofnunar, í samvinnu við ráðuneyti fjármála og iðnaðar, vegna fyrirhugaðs útboðs á sérleyfum til rannsókna- og vinnslu kolvetnis á Drekasvæðinu. Fundinn sóttu m.a. fulltrúar helstu fyrirtækja á sviði olíuleitar á Norður-Atlantshafi. Á fundinum var útboðið kynnt og gerð grein fyrir fyrirhuguðum breytingum á lagaramma útboðsins, þ.m.t. fyrirkomulagi og skattlagningu.

Orkumálastjóri ávarpaði fundinn og í framhaldi voru haldin eftirfarandi erindi:

•         Leyfisútboð á Drekasvæðinu - Þórarinn Sveinn Arnarson, Orkustofnun
•         Fyrirhugaðar breytingar á skattaumhverfi olíuvinnslu - Þórður Reynisson, 
          iðnaðarráðuneyti
•         Yfirlit yfir meginlandsflísina á Jan Mayen hrygg - Anett Blischke, Ísor
•         Jarðfræði á Jan Mayen hrygg - Christian Magnus, Norska olíustofnunin
•         Hljóðbylgjumælingar á Jan Mayen hrygg - Jan Dalene, CGGVeritas

Á fundinum kom fram töluverður áhugi fyrirtækjanna og spurningar er vörðuðu útboðið. Í framhaldi voru haldnir sérstakir fundir með fulltrúum einstakra fyrirtækja. 

Í dag verða fundir Orkustofnunar og Norsku olíustofnunarinnar. Farið verður yfir þær rannsóknir á svæðinu sem gerðar verða í sumar og önnur atriði vegna útboðsins.