Hátíðarhöld í Hrífudal í tilefni af því 50 ár eru liðin frá því að styttan af Ingólfi Arnarsyni var afhjúpuð.

Katrín Júlíusdóttir, iðnaðarráðherra flutti ræðu í Hrífudal um helgina þegar haldið var upp á 50 ára afmæli styttunnar af Ingólfi sem var gjöf Íslendinga til Norðmanna. Styttan stendur á fögrum útsýnisstað í dalnum en Ingólfur var gildur bóndi í Hrífudal allt þar til hann lagði í ferðina afdrifaríku til Íslands.

Styttan af Ingólfi er systurstytta þeirrar sem stendur á Arnarhóli og horfir sú norska út fjörðinn í vesturátt til Íslands. Fjöldi manns var við athöfnina og þar af þó nokkrir sem einnig höfðu verið við afhjúpunina fyrir 50 árum.

Á standi styttunnar er áletrun úr Hávamálum „Vin sínum skal maður vinur vera.“ Katrín lagði út af þessum orðum í ræðu sinni og talaði um ævarandi vináttu þjóðanna.