Forsætisráðherra tók í dag á móti Nicolai Wammen, Evrópumálaráðherra Danmerkur í Stjórnarráðshúsinu

Forsætisráðherra tók í dag á móti Nicolai Wammen, Evrópumálaráðherra Danmerkur í Stjórnarráðshúsinu. Þau ræddu aðildarviðræður Íslands við Evrópusambandið og stöðu mála, m.a. á evrusvæðinu. Danir eru formennskuríki ESB fram til loka júní á þessu ári og áréttaði Evrópumálaráðherrann stuðning Dana við aðild Íslands að Evrópusambandinu.