Verkefnisstjóri á skrifstofu menntamála

Mennta- og menningarmálaráðuneytið auglýsir lausa til umsóknar stöðu verkefnisstjóra á skrifstofu menntamála. Um er að ræða tímabundið starf til tveggja ára.

   
Mennta- og menningarmálaráðuneytið auglýsir lausa til umsóknar stöðu verkefnisstjóra á skrifstofu menntamála. Um er að ræða tímabundið starf til tveggja ára. Verkefnisstjóri mun hafa umsjón með starfsmenntahluta verkefnis ríkisstjórnarinnar Nám er vinnandi vegur. Nánar tiltekið felur verkið í sér frekari útfærslu og skipulagningu á einstökum úrræðum til eflingar starfsnáms í samráði við hlutaðeigandi nefndir ráðuneytisins, skóla og hagsmunaaðila. Verkefnisstjóri mun hafa með höndum úrvinnslu styrkumsókna til einstakra verkefna, skipulagningu viðburða, samskipti við samstarfsaðila og ritun lokaskýrslu um verkefnið.
Leitað er að háskólamenntuðum einstaklingi með reynslu og þekkingu á starfsmenntun og/eða framhaldsfræðslu.  Lögð er áhersla á að viðkomandi búi yfir þekkingu og hæfni í öflun, greiningu og  miðlun upplýsinga, gæða- og verkefnastjórnun. Frumkvæði, sjálfstæð vinnubrögð, góð kunnátta í íslensku og ensku ásamt þekkingu á íslensku starfsmenntakerfi og vinnumarkaði eru æskilegir kostir ásamt ritfærni og hæfni í mannlegum samskiptum.

• Æskilegt er að viðkomandi geti hafið störf sem fyrst.
• Laun greiðast samkvæmt launakerfi Félags háskólamenntaðra starfsmanna stjórnarráðsins. Nánari upplýsingar veitir Jens P. Hjaltested rekstrarstjóri í mennta- og menningarmálaráðuneytinu.
• Umsóknir með upplýsingum um menntun og starfsferil sendist mennta- og menningarmálaráðuneytinu, Sölvhólsgötu 4, 150 Reykjavík eða á netfangið [email protected]