Eyðijörð og gömul bæjarhús til sölu

Ríkiskaup hafa auglýst til sölu á heimasíðu sinni fyrir hönd sjávarútvegs- og landbúnaðarráðuneytisins eftirfarandi þrjár ríkiseignir:
- Eyðijörðin Hólssel í Norðurþingi,
- Selá í Dalvíkurbyggð, íbúðarhús og útihús á 1. ha. leigulóð, sambyggt að hluta og
- Fjárhús og flatgryfju á eyði- og ríkisjörðinni Selárdal í Vesturbyggð.

Ríkiskaup sjá alfarið um sölu eignarinnar og veita áhugasömum kaupendum upplýsingar um eignina.

Nánar um umræddar eignir.

- Eyðijörðin Hólssel í Norðurþingi.

Um er að ræða tveggja hæða einbýlishús sem byggt er úr timbri og holsteini ásamt hesthúsi og vélaskemmu á 34.636 m² leigulóð.
Húsið er samtals 166,6 m², byggt árið 1939. Þá er hesthúsið 62 m², byggt árið 1962 og véla- og verkfærageymsla 60 m², byggð árið 1979 skv. Fasteignaskrá Íslands. 

- Selá í Dalvíkurbyggð, íbúðarhús og útihús á 1. ha. leigulóð, sambyggt að hluta.

Um er að ræða íbúðarhús 136 m² byggt 1937, fjós 130,4 m² byggt 1948, fjárhús 101,2 m² byggt 1950, hlaða 45,3 m² byggð 1937, mjólkurhús 10 m² byggt 1948, hlaða 136,7 m² byggð 1950 og er brunabótamat eignarinnar kr. 30.299.000,- og fasteignamat er kr. 6.720.000,- skv. Fasteignaskrá Íslands.

- Fjárhús og flatgryfju á eyði- og ríkisjörðinni Selárdal í Vesturbyggð.

Um er að ræða stór útihús, þ.e. fjárhús og flatgryfju sem byggt er úr stáli á 3.000 m² leigulóð.
Flatgryfjan er 295,5 m², byggt árið 1974 og fjárhúsið er 444,7 m², byggt árið 1975 skv. Fasteignaskrá Íslands.