Af íslenskum „monsterum“, mönnum og hestum í amerísku sjónvarpi

Ísland hefur verið töluvert í sviðsljósi erlendra fjölmiðla undanfarið. Sigursveit Músíktilrauna 2010, Of Monsters and Men, þreyttu frumraun sína í sjónvarpi vestanhafs þegar sveitin flutti sitt vinsælasta lag, Little talks, í spjallþætti Jimmy Fallon við góðar undirtektir gesta. Og í lok júní munu þau verða gestir í þætti  Jay Leno.  Hér má sjá þátt Jimmy Fallon.

Ísland var einnig í aðalhlutverki í þætti sjónvarpskonunnar Mörthu Stewart nýverið, en meðal gesta þáttarins voru forsetafrú Íslands, Dorritt Moussaief, auk íslenska hestsins. Hér má sjá þáttinn.

Þá komu útsendarar Everyday Show nýverið til landsins og tóku upp talsvert af efni. Everyday Show er morgunþáttur á vegum Fox sjónvarpsstöðvarinnar sem sýndur er í Denver og nágrenni. Þessi heimsókn var í tengslum við opnun nýrrar flugleiðar Icelandair milli Denver og Keflavíkur.

Og er þá aðeins fátt eitt talið ...