Bætur almannatrygginga hækka um 3,9%
Tryggingastofnun ríkisins hefur tekið saman yfirlit með upplýsingum um hækkanir á greiðslum til lífeyrisþega um áramótin. Fjárhæðir bóta almannatrygginga hækka um 3,9%. Þar með eru taldar lífeyrisgreiðslur og greiðslur vegna félagslegrar aðstoðar, s.s. umönnunargreiðslur, mæðra- og feðralaun, dánarbætur og heimilisuppbót.
Á vef Tryggingastofnunar ríkisins má sjá krónutöluhækkanir í einstökum bótaflokkum. Þar kemur einnig fram að þeir sem eiga inneignir vegna hækkananna sem tóku gildi 1. janúar fá þær greiddar út 9. janúar.