Stefán Haukur til nýstofnaðrar eftirlitssveitar ÖSE í Úkraínu

Stefán Haukur Jóhannesson sendiherra heldur í dag til starfa í nýstofnaðri eftirlitsveit Öryggis- og samvinnustofnun Evrópu í Úkraínu. Hann mun fara fyrir einu af 10 teymum eftirlitsmanna í landinu, en teymi hans verður í höfuðborginni Kænugarði og héraðinu þar í kring.

Stefán Haukur á að baki mikla reynslu sem samningamaður og leiddi t.d. til lykta samninga um inngöngu Rússlands í Alþjóðaviðskiptastofnunina.

Alls munu rúmlega 100 manns starfa í eftirlitssveitinni fyrst um sinn en möguleiki er á að þeim fjölgi í allt að 500. Eftirlitsteymi verða í 10 borgum og héruðum þar í kring; Chernivtsi, Dnepropetrovsk, Donetsk, Ivano-Frankivsk, Kharkiv, Kherson, Kænugarði , Luhansk, Lviv  og Odessa.  Gunnar Bragi Sveinsson utanríkisráðherra staðfesti þátttöku Íslendinga í eftirlitssveit ÖSE við á fundi með úkraínskum starfsbróður sínum, Andrii Deshchytsia, í Kænugarði fyrir hálfum mánuði.