Um 70 milljónum úthlutað í styrki úr Lýðheilsusjóði

Úthlutað hefur verið úr Lýðheilsusjóði fyrir árið 2014. Sjóðurinn er skilgreindur í lögum um landlækni og lýðheilsu og er markmiðið með honum að styrkja lýðheilsustarf í landinu. Í ár bárust 187 umsóknir um styrki til margvíslegra verkefna. Alls hlutu 104 verkefni styrk, samtals um 70 milljónir króna.

Heilbrigðisráðherra skipar stjórn sjóðsins sem sér um að úthluta úr honum.

Í ár var sérstaklega auglýst eftir verkefnum sem fela í sér: 

• Heildrænar aðgerðir í forvörnum og heilsueflingu sem miða að heilbrigðum lifnaðarháttum.       
• Að auka þekkingu og færni fagfólks og foreldra um árangursríkar áfengis- og kannabisforvarnir.         
• Þjálfun fagfólks í meðferð við tóbaksfíkn og þróun þjónustueiningar fyrir aðstoð til tóbaksleysis.        
• Aðgerðir sem miða að því að efla geðheilsu og vellíðan barna, unglinga og fjölskyldna.

Á vef Embættis landlæknis má lesa nánar um úthlutun styrkjanna og hvaða verkefni hlutu styrk að þessu sinni.