Fundur norrænna fjármálaráðherra í Stokkhólmi
Bjarni Benediktsson, fjármála- og efnahagsráðherra, stýrði í dag árlegum fundi norrænna fjármálaráðherra sem fram fór í Stokkhólmi, en Ísland fer á þessu ári með formennsku í Norrænu ráðherranefndinni.
Á fundi ráðherranna var sjónum beint sérstaklega að nauðsyn þess að auka skilvirkni í opinbera geiranum, ekki síst með því að efla samkeppni. Þannig megi bæta þjónustuna og auka gæði hennar, sem gagnist almenningi og samfélaginu í heild.
Þá var á fundinum rætt um samstarf Norðurlanda vegna upplýsingaskiptaskiptasamninga við lágskattaríki, auk þess sem fjallað var um stöðu efnahagsmála almennt.