Tekið á móti Chen Lei, vatnamálaráðherra Kína

Sigrún Magnúsdóttir umhverfis- og auðlindaráðherra átti fund með Chen Lei, vatnamálaráðherra Kína fyrr í þessari viku. Meginefni fundarins voru málefni ferskvatns á Íslandi og í Kína.

Fundurinn var liður í ferð ráðherrans til landsins í því skyni að kynna sér vatnamál, þar á meðal vatnsaflsvirkjanir og samþættingu verndar og nýtingar vatns á Íslandi. Þá kynnti umhverfis- og auðlindaráðherra fyrir honum helstu verkefni ráðuneytisins auk þess að fara yfir hvernig stjórn vatnamála er háttað hér á landi.

Að fundi loknum fór kínverski ráðherrann og sendinefnd hans í kynnisferð í Sogsvirkjanir og Þingvallaþjóðgarð.