Breyting á reglugerð um hollustuhætti til kynningar

Umhverfis- og auðlindaráðuneytið óskar eftir umsögnum um drög að breytingu á reglugerð um hollustuhætti.

Um er að ræða minniháttar breytingar, m.a. til að samræma ákvæði hennar við ákvæði reglugerðar um veitingastaði, gististaði og skemmtanahald, og ákvæði byggingareglugerðar. Ákvæði er varða staði sem heimilt er að hleypa hundum, köttum eða öðrum dýrum inn á eru rýmkuð lítillega.

Frestur til að skila umsögnum um reglugerðardrögin er til 7. apríl nk. og má senda þær á netfangið [email protected] eða í bréfpósti, á umhverfis- og auðlindaráðuneytið, Skuggasundi 1, 101 Reykjavík

Reglugerð um breytingu á reglugerð nr. 941/2002 um hollustuhætti (word-skjal)