Uppgjör ríkissjóðs á fyrri hluta árs 2017
Uppgjör ríkissjóðs á fyrri helmingi ársins 2017 liggur nú fyrir.
- Tekjur tímabilsins án fjármunatekna námu 358,7 ma.kr. sem er 3,5 ma.kr. undir áætlun.
- Tekjuskattur einstaklinga var 8,7 ma.kr undir áætlun sem skýrist af um 10 ma.kr. endurgreiðslu vegna uppgjörs ársins 2016 sem var í júní en áætlun gerði ráð fyrir að yrði í júlí.
- Tekjur stofnana eru um 6 ma.kr. yfir áætlun sem skýrist af tæknilegum þáttum og af innbyrðis færslum sem ekki er lokið við að leiðrétta fyrir.
- Fjárheimildir frá fyrra ári nema samtals 19,6 ma.kr. og eru til bráðabirða inni í fjárheimildum. Endanlegur flutningur fjárheimilda milli ára bíður staðfestingar Alþingis í lokafjárlögum ársins 2016 sem lagt verður fyrir Alþingi á haustþingi 2017.
- Gjöld tímabilsins eru 340 ma.kr. eða 14,7 ma.kr. undir áætlun. Ef tekið er tillit til fjárheimildastöðu frá fyrra ári eru gjöldin um 5 ma.kr. yfir áætlun.
- Tekjur umfram gjöld eru 18,7 ma.kr. eða 11,1 ma.kr. yfir áætlun. Ef tekið er tillit til tilfærslu á milli mánaða á endurgreiðslu tekjuskatts og fjárheimildastöðu fyrra árs væru tekjur umfram gjöld um 1,5 ma.kr yfir áætlun.
- Fjármagnsjöfnuður tímabilsins nemur 14,7 ma.kr. sem er 7,3 ma.kr. yfir áætlun tímabilsins.
- Fjármagnstekjur nema 28,7 ma.kr. eða 4,4 ma.kr. yfir áætlun sem skýrist aðallega af arðgreiðslum af eign ríkisins í Landsbankanum og Íslandsbanka.
- Fjármagnsgjöld nema 43,4 ma.kr. og eru 11,7 ma.kr. yfir áætlun sem skýrist að mestu af uppkaupum á erlendri skuldabréfaútgáfu ríkissjóðs sem nam 10,9 ma.kr. á þessu ári.
- Tekjujöfnuður tímabilsins er 4 ma.kr. sem er 3,8 ma.kr umfram áætlun tímabilsins. Ef tekið er tillit til frávika á endurgreiðslu tekjuskatts, fjárheimildastöðu fyrra árs og vaxtagjalda við uppgreiðslu á erlendu skuldabréfi þá er tekjujöfnuður 5,1 ma.kr umfram áætlun tímabilsins.
- Handbært fé frá rekstri var jákvætt um 8,4 ma.kr., afborganir lána námu 192 ma.kr.og lækkar handbært fé um 147,4 ma.kr.
- Útgjöld málefnasviða að frádregnum rekstrartekjum námu 355,6 ma.kr. og voru 9 ma.kr. lægri en áætlað var ef tekið er tillit til höfuðstóls fyrra árs. Útgjöldin voru 10,7 ma.kr. hærri en áætlanir gerðu ráð fyrir innan fjárheimilda ársins.
Megin frávik eru á eftirfarandi málefnasviðum:
- 10. Réttindi einstaklinga, trúmál og stjórnsýsla innanríkismála eru um 1,5 ma.kr. umfram áætlun.
- 26. Lyf og lækningavörur 1,2 ma.kr. umfram áætlun.
- 27. Örorka og málefni fatlaðs fólks 1,6 ma.kr. umfram áætlun.
- 29. Fjölskyldumál 1 ma.kr innan fjárheimilda.
- 33 Vextir, ábyrgðir og lífeyrisskuldbindingar 12,2 ma.kr. umfram áætlun.
Ársfjórðungsyfirlitið er birt á vef Fjársýslu ríkisins
Afkomugreinargerð fjármála- og efnahagsráðuneytisins