Umsækjendur um Embætti landlæknis

Sex sóttu um Embætti landlæknis sem auglýst var laust til umsóknar á liðnu ári. Umsóknarfrestur rann út 4. janúar síðastliðinn.

Umsækjendur eru þessir:

• Alma D. Möller, framkvæmdastjóri aðgerðasviðs Landspítala
• Arna Guðmundsdóttir, læknir og formaður Læknafélags Reykjavíkur
• Bogi Jónsson, yfirlæknir við bæklunardeild Háskólasjúkrahússins í Norður Noregi
• Jón Ívar Einarsson, prófessor við læknadeild Harvardháskólans í Boston
• Kristinn Tómasson, yfirlæknir Vinnueftirlitsins
• Óskar Reykdalsson, framkvæmdastjóri lækninga Heilsugæslu höfuðborgarsvæðisins

Heilbrigðisráðherra skipar í Embætti landlæknis til fimm ára í senn að undangengnu mati sérstakrar nefndar sem starfar á grundvelli 9. gr. laga um heilbrigðisþjónustu um mat hæfni umsækjenda.