Forsætisráðherra fór yfir stöðu efnahagsmála og horfur á vinnumarkaði í áramótaávarpi sínu í kvöld. Hún ræddi nauðsyn þess að tryggja öllum almenningi lífskjarabata með því að auka jöfnuð og hagsæld. Þá ræddi hún einnig þær áskoranir sem eru framundan á sviði loftslagsmála og tæknibreytinga. Þá minnti hún á það fólk sem er reiðubúið að koma öðrum til bjargar á nóttu sem degi og að það sýni hvernig við öll getum haft áþreifanleg áhrif samfélaginu til góða.
