Frumvarp um hagkvæma uppbyggingu á háhraða fjarskiptanetum í samráðsgátt

Samgöngu- og sveitarstjórnarráðuneytið óskar eftir umsögnum um frumvarp til laga þar sem innleidd verða ákvæði tilskipunar ESB 2014/61 um ráðstafanir til að lækka kostnað við uppbyggingu á háhraða stafrænum fjarskiptanetum. Drög að frumvarpinu er í samráðsgátt Stjórnarráðsins og frestur til að senda inn umsögn til og með 5. febrúar nk.

Í frumvarpinu er lagt til að innleidd verði ákvæði tilskipunarinnar er m.a. taka til þess að skilgreina tiltekin lágmarksréttindi og -skyldur rekstraraðila neta til að auðvelda útbreiðslu háhraða fjarskiptaneta. Þar er kveðið á um aðgengi að lágmarksupplýsingum um fyrirliggjandi efnisleg grunnvirki, yfirstandandi eða fyrirhugaðar leyfisskyldar mannvirkjaframkvæmdir í því skyni að kanna möguleika á samhæfingu framkvæmda.

Skoða drög að frumvarpi í samráðsgátt