31. janúar 2020 Dómsmálaráðuneytið, Umhverfis-٫ orku- og loftslagsráðuneytið, Heilbrigðisráðuneytið

Mengun af völdum skotelda og tillögur um aðgerðir

Niðurstöður starfshóps og tillögur sem birtar voru í janúar 2020.

Dómsmálaráðherra, heilbrigðisráðherra og umhverfis- og auðlindaráðherra ákváðu að setja á laggirnar starfshóp umhverfis- og auðlindaráðuneytis, velferðarráðuneytis og dómsmálaráðuneytis til að móta tillögur um hvernig draga megi úr neikvæðum áhrifum á lýðheilsu og loftgæði vegna mengunar af völdum flugelda. Þann 28. desember 2018 skipaði umhverfis- og auðlindaráðherra starfshópinn sem hafði það hlutverk að koma með tillögur um

hvort og þá með hvaða hætti eigi að takmarka notkun flugelda og
hvernig hægt sé að tryggja að það hafi sem minnst neikvæð áhrif á fjármögnun þeirra verkefna sem björgunarsveitir inna af hendi í þágu almannaheilla.

Starfshópurinn skyldi meta hvort þörf væri á að grípa til aðgerða og takmarka með einhverjum hætti notkun flugelda hér á landi. Starfshópurinn skyldi hafa samráð við tiltekna haghafa og aðila sem rannsakað hafa áhrif flugelda á heilsu og umhverfi.