Óskað eftir tilnefningum til umhverfisverðlauna Norðurlandaráðs

Norðurlandaráð auglýsir eftir tilnefningum til umhverfisverðlauna Norðurlandaráðs 2020. Lífbreytileiki er þema verðlaunanna í ár. Umhverfisverðlaun Norðurlandaráðs eru veitt stofnun, fyrirtæki eða einstaklingi á Norðurlöndum, sem hefur unnið markvisst að því að auka fjölbreytileika náttúrunnar.

Allir geta sent inn tilnefningar en frestur til að skila þeim er til 13. maí næstkomandi. Hægt er að tilnefna norræna einstaklinga, fyrirtæki eða samtök sem starfa á Norðurlöndum eða eru í samstarfi við aðila utan Norðurlanda. Verkefnin þurfa jafnframt að hafa tengingu við Norðurlönd.

Umhverfisverðlaun Norðurlandaráðs vekja athygli á og styðja við áhrifaríkt framtak umhverfinu til góða. Verðlaunaféð er 350.000 danskar krónur en tilkynnt verður um verðlaunahafann í tengslum við þing Norðurlandaráðs í Reykjavík 27. október 2020.

Hægt er að senda inn tillögur um verðlaunahafa með því að fylla út þar til gert eyðublað.

Eyðublað vegna tilnefninga til Umhverfisverðlauna Norðurlandaráðs 2020

Frétt Norðurlandaráðs þar sem óskað er eftir tilnefningum