Embættistaka forseta Íslands
.jpg)
Athöfn vegna embættistöku forseta Íslands fer fram í Alþingishúsinu í dag 1. ágúst og hefst hún kl. 15.30. Ríkisútvarpið verður með beina útsendingu frá athöfninni í útvarpi og sjónvarpi og hefst útsending kl. 15.20.
Athygli er vakin á því að útsendingunni verður ekki varpað út á Austurvöll að þessu sinni og er sú breyting gerð í sóttvarnaskyni. Fólk sem vill fylgjast með athöfninni getur hins vegar gert það í gegnum útsendingu sjónvarps og útvarps. Af sömu ástæðum hefur helgistund í Dómkirkjunni verið aflýst sem og útgöngu forseta Íslands á svalir Alþingishússins. Í stað helgistundar í Dómkirkjunni mun biskupinn yfir Íslandi flytja blessunarorð við athöfnina í þingsal.