Tillaga að nýrri evrópskri reglugerð um reiki á farsímanetum

Framkvæmdastjórn Evrópusambandsins birti í febrúar sl. til umsagnar, í opnu samráði, tillögu að endurnýjaðri reglugerð (e. recast) um reiki á farsímanetum innan sambandsins. Gert er ráð fyrir að ný reglugerð öðlist gildi 1. júlí 2022, eða í kjölfar þess er gildandi reikireglugerð (ESB) 531/2012 fellur úr gildi (30. júní 2022), og að gildistími hennar verði 10 ár. 

Tillagan er nú til skoðunar hjá EFTA-ríkjunum innan EES sem hafa frest til 14. apríl nk. til að gera athugasemdir við hana og leggja mat á aðlögunarþörf.

Samevrópskar reikireglur voru fyrst settar 2007 og hafa tekið breytingum, m.a. með lögfestingu reglunnar um „roam like at home“ árið 2017. Hún felur í stuttu máli í sér að ef notkun gagnamagns er innan hóflegra marka gildir heimaverðskrá farsímafyrirtækis innan alls Evrópska efnahagssvæðisins. Notkun gagnamagns hefur margfaldast í Evrópu frá þeim tíma. 

Nánar um reglugerðina

• Tillaga um nýja reikireglugerð Evrópusambandsins (e. Proposal for a Regulation of the European Parliament and of the Council on roaming on public mobile communications networks within the Union (recast))