Forsætisráðherra heimsótti Vestmannaeyjar

Katrín Jakobsdóttir, forsætisráðherra, heimsótti Vestmannaeyjar í dag. Hún heimsótti m.a. þekkingarsetur Vestmannaeyja, þar sem hún kynnti sér margháttaða starfsemi ýmissa stofnana og fyrirtækja, og Sjóvarmadælustöðina þar sem sjór er hitaður með rafmagni. Íris Róbertsdóttir, bæjarstjóri í Vestmannaeyjum, tók á móti Katrínu og fylgdi henni í heimsókninni.

Þá undirritaði hún samstarfssamning forsætisráðuneytisins og sýslumannsins í Vestamannaeyjum en Arndís Soffía Sigurðardóttir, sýslumaður í Vestmannaeyjum, tók á móti henni í Landlyst. Samningurinn er um kynjaða tölfræði úr gagnagrunnum sýslumanna en með honum verður hægt að greina hvort kynjahalli sé til staðar í málum sem rekin eru innan stjórnsýslunnar.