Viðskiptaáætlun sendiráðs Íslands í Osló

Sendiráð Íslands Osló gaf í dag út nýja og heilstæða viðskiptaáætlun sem myndar ramma utan um verkefni sendiskrifstofunnar á viðskiptasviðinu. Viðskiptaáætlunin byggist á áherslum í utanríkisviðskiptastefnu Íslands og áhersluflokkum framtíðarstefnu fyrir íslenskan útflutning sem unnin var af Íslandsstofu og kynnt í lok árs 2019. Meginmarkmið áætlunarinnar er að bera kennsl á hvar og á hvaða hátt sendiráðið getur lagt sitt af mörkum við framkvæmd framtíðstefnunnar. Áætlunin er lifandi skjal sem verður endurskoðað og uppfært með reglubundnu millibili.

Eitt af hlutverkum sendiráðs Íslands í Osló er að efla enn frekar viðskiptatengsl Íslands og Noregs og veitir sendiráðið í því skyni viðskiptaþjónustu til fyrirtækja og annarra sem vilja sækja á norskan markað, og/eða á markaði í öðrum umdæmislöndum sendiráðsins. Til að gera þetta mikilvæga hlutverk markvissara, en einnig sýnilegra, var ákveðið að ráðast í gerð heildstæðrar viðskiptaáætlunar sendiráðsins sem lesa má hér.

• Viðskiptaáætlunin er einnig aðgengileg hér á sérstökum viðskiptavef sendiráðsins.