Heilsugæsla höfuðborgarsvæðisins óskar eftir aðstoð við sýnatökur
Vegna mikilla anna leitar Heilsugæsla höfuðborgarsvæðisins eftir liðsinni fólks sem getur aðstoðað við sýnatökur á Keflavíkurflugvelli og á Suðurlandsbraut 34.
Ekki er gerð krafa um menntun á sviði heilbrigðisvísinda.
Heilsugæsla höfuðborgarsvæðisins annast sýnatökur hjá einstaklingum sem eru með einkenni sem geta bent til COVID-19 eða samkvæmt fyrirmælum sóttvarnalæknis auk sýnatöku vegna ferðalaga erlendis.
Viðkomandi þarf að vera reiðubúinn að koma tímabundið til starfa með skömmum fyrirvara, hvort sem er í fullt starf, hlutastarf eða tímavinnu, eftir því sem aðstæður leyfa. Greitt er samkvæmt kjarasamningum viðeigandi stéttarfélags en sem fyrr segir er ekki gerð krafa um menntun á sviði heilbrigðisvísinda.
Álag á heilbrigðis- og velferðarþjónustuna er mikið um þessar mundir vegna aukinnar útbreiðslu COVID-19. Við vekjum því einnig athygli á bakvarðasveit heilbrigðisþjónustunnar, en hana skipar fólk með menntun á sviði heilbrigðisvísinda, og bakvarðasveit velferðarþjónustunnar.