Sumarfundur ríkisstjórnarinnar á Suðurnesjum
GolliRíkisstjórnarfundur verður haldinn í Salthúsinu í Grindavík á morgun, þriðjudaginn 10. ágúst kl. 10. Ríkisstjórnin mun einnig eiga þar fund með fulltrúum sveitarfélaga innan sambands sveitarfélaga á Suðurnesjum.
Þá verður vinnufundur ríkisstjórnarinnar haldinn í Duus Safnahúsinu í Reykjanesbæ eftir hádegi. Blaðamannafundur verður þar kl. 16 þar sem farið verður yfir framgang verkefna í stjórnarsáttmála og aðgerðir til að styðja við skapandi greinar kynntar. Að blaðamannafundinum loknum eða um kl. 16.30 veita ráðherrar fjölmiðlum viðtöl.