Þrír forsetaúrskurðir vegna breytinga á skipan Stjórnarráðsins birtir
Haraldur Jónasson / HariRíkisráð kom saman til fundar á Bessastöðum í dag. Auk þess að endurstaðfesta tillögur sem samþykktar voru utan ríkisráðs frá síðasta ríkisráðsfundi, undirritaði forseti Íslands þrjá forsetaúrskurði vegna breytinga á skipan ráðuneyta.
Úrskurðirnir þrír sem hafa verið birtir í Stjórnartíðindum taka gildi á morgun, 1. febrúar 2022. Um er að ræða forsetaúrskurð um skiptingu Stjórnarráðs Íslands í ráðuneyti, forsetaúrskurð um skiptingu stjórnarmálefna milli ráðuneyta í Stjórnarráði Íslands og forsetaúrskurð um skiptingu starfa ráðherra.
Frá og með 1. febrúar nk. mun Stjórnarráð Íslands skiptast í 12 ráðuneyti:
- Forsætisráðuneyti
- Dómsmálaráðuneyti
- Félags- og vinnumarkaðsráðuneyti
- Fjármála- og efnahagsráðuneyti
- Háskóla-, iðnaðar- og nýsköpunarráðuneyti
- Heilbrigðisráðuneyti
- Innviðaráðuneyti
- Matvælaráðuneyti
- Menningar- og viðskiptaráðuneyti
- Mennta- og barnamálaráðuneyti
- Umhverfis-, orku- og loftslagsráðuneyti
- Utanríkisráðuneyti
Forsetaúrskurður um skiptingu Stjórnarráðs Íslands í ráðuneyti
Forsetaúrskurður um skiptingu stjórnarmálefna milli ráðuneyta í Stjórnarráði Íslands