Starfshópur um umbætur á húsnæðismarkaði skipaður

Katrín Jakobsdóttir forsætisráðherra hefur skipað starfshóp um umbætur á húsnæðismarkaði. Verkefni hópsins er m.a. að fjalla um leiðir til að auka framboð á húsnæði til að mæta uppsafnaðri og fyrirsjáanlegri íbúðaþörf ólíkra hópa til lengri og skemmri tíma og um leiðir til að stuðla að auknum stöðugleika á húsnæðismarkaði.

Starfshópurinn er skipaður í kjölfar samtals stjórnvalda og heildarsamtaka á vinnumarkaði á vettvangi þjóðhagsráðs og sem framhald vinnu átakshóps í húsnæðismálum sem skilaði tillögum í janúar 2019. Af rúmlega 40 aðgerðum sem ákveðið var að ráðast í er 27 lokið en vinna við aðrar er enn í gangi.

Starfshópurinn skal kynna stjórnvöldum og heildarsamtökum á vinnumarkaði heildstæða lausn á viðfangsefnum sínum og tillögur að aðgerðum eigi síðar en 30. apríl nk.

Starfshópinn skipa:

• Anna Guðmunda Ingvarsdóttir, formaður, án tilnefningar
• Gísli Gíslason, formaður, án tilnefningar
• Henný Hinz, f.h. forsætisráðherra
• Ingilín Kristmannsdóttir, f.h. innviðaráðherra
• Ólafur Heiðar Helgason, f.h. fjármála- og efnahagsráðherra
• Guðrún Ágústa Guðmundsdóttir, f.h. félags- og vinnumarkaðsráðherra
• Regína Ásvaldsdóttir, f.h. Sambands íslenskra sveitarfélaga
• Fannar Jónasson, f.h. Sambands íslenskra sveitarfélaga
• Eyjólfur Árni Rafnsson, f.h. Samtaka atvinnulífsins
• Bjarni Þór Sigurðsson, f.h. Alþýðusambands Íslands
• Sigríður Ingibjörg Ingadóttir, f.h. BSRB, BHM og KÍ