Til umsagnar: Drög að stefnu í geðheilbrigðismálum til ársins 2030

Birt hafa verið til umsagnar drög að þingsályktunartillögu heilbrigðisráðherra um stefnu í geðheilbrigðismálum til ársins 2030. Umsagnarfrestur er til 22. mars. Heilbrigðisráðherra hefur skipað samráðshóp til að setja fram aðgerðaáætlun um framkvæmd stefnunnar og verður hún fylgiskjal með þingsályktunartillögunni þegar hún verður lögð fyrir Alþingi. Formaður hópsins er Páll Matthíasson, doktor í geðlækningum. 

Líkt og aðrar stefnur og aðgerðaáætlanir sem mótaðar hafa verið frá árinu 2019 taka drög að þingsályktunartillögu ráðherra um stefnu í geðheilbrigðismálum mið af ályktun Alþingis um heilbrigðisstefnu til ársins 2030. Því er jafnt lögð áhersla á grunngildi sem hvetja til einstaklingsmiðaðrar heilbrigðisþjónustu á félagslegum grunni og stuðning við heilsueflingu á öllum æviskeiðum. 

Straumar og stefnur í geðheilbrigðismálum á alþjóðavísu draga fram að það eru sameiginlegir hagsmunir þjóða að auka áherslu á lýðheilsu, forvarnir og geðheilbrigðisþjónustu. Þrátt fyrir framfarir í geðheilbrigðismálum á liðnum árum standa Íslendingar frammi fyrir ýmsum áskorunum og hindrunum sem ryðja þarf úr vegi til að ná árangursríkum framförum. Um þetta er fjallað í greinargerð með þingsályktunartillögunni sem hér er  birt til umsagnar. Tillagan sjálf byggist á fjórum áhersluþáttum sem eru eftirfarandi: 

• Geðrækt, forvarnir og snemmbær úrræði verði grundvöllur geðheilbrigðis einstaklinga.
• Heildræn geðheilbrigðisþjónusta verði samþætt og byggð á bestu mögulegri gagnreyndri meðferð og endurhæfingu. Þá verði þjónustan veitt af hæfu starfsfólki á viðeigandi þjónustustigum í árangursríku samstarfi við þjónustuveitendur í velferðarþjónustu.
• Notendasamráð og notendamiðuð þjónusta verði á öllum stigum geðheilbrigðisþjónustu.
• Nýsköpun, vísindi og þróun leiði til betri geðheilbrigðisþjónustu og bætts aðgengis.
  

Til að hrinda í framkvæmd stefnu um geðheilbrigðismál til ársins 2030 er í þingsályktunartillögunni miðað við að gerðar verði aðgerðaáætlanir til fimm ára í senn í samráði við hagsmunaaðila og að þær verði jafnframt uppfærðar árlega.

Eins og áður segir hefur heilbrigðisráðherra skipað samráðshóp til að móta aðgerðaáætlun um framkvæmd stefnu í geðheilbrigðismálum og verður hún fylgiskjal með þingsályktunartillögunni þegar hún verður lögð fram á Alþingi. Hlutverk hópsins verður jafnframt að fylgja eftir framkvæmdinni.

Samráðshópurinn er þannig skipaður: