Heilbrigðisráðuneytið leitar að verkefnastjóra og lögfræðingi til starfa

Heilbrigðisráðuneytið auglýsir laust til umsóknar tímabundið starf verkefnastjóra í 18 mánuði á skrifstofu ráðuneytisstjóra, vegna formennsku Íslands í Norrænu ráðherranefndinni 2022-2023. Einnig er laust til umsóknar starf lögfræðings á skrifstofu innviða heilbrigðisþjónustu. Auglýsingar um störfin hafa verið birtar á vefnum starfatorg.is Eftirfarandi eru upplýsingar um störfin:

Verkefnastjóri vegna formennsku Íslands í Norrænu ráðherranefndinni 2022–2023 

Heilbrigðisráðuneytið auglýsir laust til umsóknar tímabundið starf verkefnastjóra í 18 mánuði á skrifstofu ráðuneytisstjóra, vegna formennsku Íslands í Norrænu ráðherranefndinni 2022–2023. Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði. 

Helstu verkefni og ábyrgð

• Umsjón með fundum og ráðstefnum á vegum ráðherranefndarinnar
• Undirbúningur funda á vegum embættismannanefndar á sviði heilbrigðismála.
• Utanumhald um kostnað og uppgjör.
• Önnur verkefni tengd formennsku Íslands í Norrænu ráðherranefndinni.
• Afgreiðsla stjórnsýsluerinda
• Samskipti við stofnanir, hagsmunaaðila og einstaklinga

Menntunar- og hæfnikröfur

• Háskólapróf sem nýtist í starfi, 
• Menntun eða reynsla af verkefnastjórnun er skilyrði.
• Góð kunnátta í a.m.k. einu Norðurlandamáli er skilyrði.
• Gott vald á íslensku og færni til að tjá sig í ræðu og riti er skilyrði. 
• Reynsla og þekking úr stjórnsýslunni og Norrænu samstarfi er kostur.
• Þekking á heilbrigðismálum er kostur.
• Góð kunnátta í ensku og færni til að tjá sig í ræðu og riti. 
• Sveigjanleiki, samstarfshæfni, skipulagshæfni og sjálfstæð vinnubrögð.
• Jákvæðni og lipurð í mannlegum samskiptum.

Ráðið er í starfið í 18 mánuði frá og með september 2022 til og með febrúar 2024. Starfið heyrir undir skrifstofu ráðuneytisstjóra sem stýrir innra stefnumótunarstarfi og hefur yfirsýn yfir stefnumótun í málaflokkum ráðuneytisins. Auk þess sér skrifstofan um mannauðsmál, almannatengsl og upplýsingamál. Þá hefur skrifstofan yfirsýn og annast stefnumótun tengda alþjóðasamstarfi.

Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert. Áhugasamir einstaklingar eru hvattir til að sækja um starfið óháð kyni. Með umsókn skal fylgja afrit af prófskírteinum, ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig umsækjandi uppfyllir hæfniskröfur.

Umsóknarfrestur er til og með 25. mars 2021 og er starfshlutfall er 100%
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum með síðari breytingum.

Upplýsingar um starfið veita Kristín Helgadóttir, mannauðsstjóri; [email protected] og Bjarni Sigurðsson, sérfræðingur; [email protected].

Lögfræðingur

Heilbrigðisráðuneytið auglýsir laust til umsóknar starf lögfræðings á skrifstofu innviða heilbrigðisþjónustu. Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði.

Helstu verkefni og ábyrgð

• Samning lagafrumvarpa og reglugerða
• Afgreiðsla stjórnsýsluerinda og álitsgerða
• Umsjón og eftirfylgni með framkvæmd laga
• Þátttaka í stefnumótun er lýtur að málaflokkum skrifstofunnar
• Samskipti við Alþingi, Eftirlitsstofnun EFTA, önnur stjórnvöld, stofnanir, hagsmunaaðila og einstaklinga. 

Menntunar- og hæfnikröfur

• Fullnaðarpróf í lögfræði með embættis- eða meistaraprófi. Önnur viðbótarmenntun er kostur.
• Góð kunnátta í stjórnsýslurétti. Reynsla af störfum innan stjórnsýslunnar er kostur.
• Reynsla og þekking af samningamálum og gerð samninga er kostur.
• Sveigjanleiki, samstarfshæfni, skipulagshæfni og sjálfstæð vinnubrögð.
• Gott vald á íslensku og færni til að tjá sig í ræðu og riti.
• Góð kunnátta í ensku og færni til að tjá sig í ræðu og riti.
• Góð kunnátta í a.m.k. einu Norðurlandamáli er æskileg.
• Jákvæðni og lipurð í mannlegum samskiptum.

Kostur er að umsækjandi hafi þekkingu eða reynslu í þeim málaflokkum sem heyra undir skrifstofuna.

Starfið heyrir undir skrifstofu innviða heilbrigðisþjónustu sem annast verkefni er varða innkaup á vöru og þjónustu í heilbrigðiskerfinu, samninga, lyf, sjúkratryggingar, byggingaframkvæmdir, mönnun heilbrigðisþjónustu, hagmál, heilbrigðisgögn og úrvinnslu.

Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert. Æskilegt er að umsækjandi geti hafið störf sem fyrst. Áhugasamir einstaklingar eru hvattir til að sækja um starfið óháð kyni. Með umsókn skal fylgja afrit af prófskírteinum, ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig umsækjandi uppfyllir hæfniskröfur.

Umsóknarfrestur er til og með 25. mars 2021 og er starfshlutfall er 100%

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum með síðari breytingum.

Upplýsingar um starfið veitir Heiða Björg Pálmadóttir, skrifstofustjóri; [email protected]