Innanlandsflugvellir - kostnaðarmat
Verkefnishópur innviðaráðuneytis um kostnaðarmat innanlandsflugvalla hóf störf í mars 2022 og skilaði skýrslu í júní sama ár. Markmið verkefnishópsins var að:
- Leggja mat á reynsluna af gildandi þjónustusamningi um rekstur flugvalla, annarra en Keflavíkurflugvallar, m.a. til undirbúnings ákvörðunar um framlengingu hans.
- Leggja mat á rekstrar-, viðhalds-, og uppbyggingarkostnað þjóðfélagslega mikilvægra flugvalla og lendingarstaða hér á landi sem nýtist við ákvörðun fjárveitinga og forgangsröðun á því sviði í ljósi áherslna í stjórnarsáttmála ríkisstjórnar.
Samfélagslegt markmið verkefnisins er að stuðla að tryggum rekstrargrundvelli flugvalla og lendingarstaða hér á landi sem ekki eru rekstrarlega sjálfbærir, en gegna mikilvægu þjóðfélagslegu hlutverki. Heildarkostnaður við rekstur 12 innanlandsflugvalla skv. samgönguáætlun er um 3,1 ma. kr. á ári.