Fjallað um öryggi og grænar lausnir á siglingaráðstefnu 29. september

Alþjóðasiglingadagurinn er í ár helgaður öryggi og grænum lausnum í siglingum. Af því tilefni verður ráðstefna haldin fimmtudaginn 29. september undir yfirskriftinni Stolt siglir fleyið mitt á Grand hótel í Reykjavík frá kl. 13-16. Ráðstefnan er haldin af innviðaráðuneyti og Siglingaráði í samstarfi við Samgöngustofu, Grænu orkuna og umhverfis- og orku- og loftslagsráðuneytið.

Markmið ráðstefnunnar er að kynna nýsköpun og nýjar lausnir í sjósókn og siglingum sem draga úr umhverfisáhrifum og/eða auka öryggi sjófarenda, þ.m.t. orkuskipti, bætta orkunýtingu og siglingaöryggi. Fjölmörg fyrirtæki munu halda fyrirlestra um lausnir sínar og framtíðarsýn.

Öll eru velkomin á ráðstefnuna en skráning fer fram á vef Samgöngustofu. Fundarstjóri er Hildur Hauksdóttir, sérfræðingur í umhverfismálum hjá Samtökum fyrirtækja í sjávarútvegi.

• Skráning

Dagskrá

• Guðlaugur Þór Þórðarson, umhverfis-, orku-, og loftslagsráðherra, setur ráðstefnuna.

• Leiðin til orkuskipta. Zero emission journey of the Norwegian maritime sector
  Kristina Storegjerde Skogen, Ocean Hyway Cluster, Noregi.

• Ankeri – Gögn til gagns: Að finna hentugustu skipin fyrir alþjóðleg flutningaskipafyrirtæki
  Kristinn Aspelund, framkvæmdastjóri & einn stofnenda Ankeri Solutions.

• Grænna varaafl í öruggum skrefum
  Linda Fanney Valgarðsdóttir, framkvæmdastýra Alor ehf.

• Sidewind vindmyllugámar
  Óskar Svavarsson og María Kristín Þrastardóttir, stofnendur Sidewind ehf.

• Leiðbeinandi siglingakerfi fyrir aukið öryggi og grænni siglingar
  Karl Birgir Björnsson, framkvæmdastjóri Hefring Marine

• Kaffihlé

• Umhverfisvænni veiðarfæri
  Einar Skaftason, veiðarfærahönnuður hjá Hampiðjunni

• Ljósvarpan
  Torfi Þórhallsson, Optitog ehf.

• Strandvari, fyrir öryggi og umhverfið
  Þórarinn Heiðar Harðarson, framkvæmdastjóri Strandsýn ehf.

• Kolefnislausar fiskveiðar - Raunhæft markmið, hvernig og hvenær?
  Hallmar Halldórs, Clara energy

• Með Stanley yfir Breiðafjörð
  Tinna Rún Snorradóttir, rannsóknarstjóri Bláma 

• Straumhvörf á sjó – rafvæðing minni farþegabáta
  Árni Sigurbjarnarson og Oddvar Haukur Árnason, Brim Explorer / Ocean e-Connect

• Fjármögnun nýsköpunar og þróunar
  Jón Björn Skúlason, framkvæmdastjóri ísl. Nýorku 

• Samantekt og ráðstefnuslit
  Ásta Þorleifsdóttir, sérfræðingur í innviðaráðuneytinu og varaformaður Siglingaráðs