Forsætisráðuneytið styrkir samtök sem styðja við þolendur ofbeldis

Katrín Jakobsdóttir forsætisráðherra hefur ákveðið að veita sex stofnunum og samtökum styrk nú í aðdraganda jóla. Þær stofnanir eða samtök sem um ræðir eru Bjarkarhlíð, Bjarmahlíð, Kvennaathvarfið, Rótin/Konukot, Sigurhæðir og Stígamót og rennur ein milljón króna til hverrar stofnunar eða alls um 6 milljónir króna.

Markmiðið með styrkjunum er að styrkja þá starfsemi sem styður við þolendur ofbeldis og konur í viðkvæmri stöðu.