Bein útsending frá ráðstefnunni Þjóðhagslegt mikilvægi ferðaþjónustunnar

Menningar- og viðskiptaráðuneytið í samstarfi við Ferðamálastofu og Samtök ferðaþjónustunnar standa fyrir ráðstefnu um þjóðhagslegt mikilvægi ferðaþjónustunnar í dag frá kl. 13:00-16:00 í Kaldalóni, Hörpu. 

Sýnt verður frá ráðstefnunni í streymi á Vísi, Stöð 2 Vísi og í spilaranum hér fyrir neðan.

Lilja Dögg Alfreðsdóttir ferðamálaráðherra flytur opnunarávarp. Ásgeir Jónsson seðlabankastjóri, Jane Stacey yfirmaður ferðamála hjá OECD og Grímur Sæmundsen forstjóri Bláa lónsins verða með framsöguerindi. Samtök ferðaþjónustunnar kynna nýtt mælaborð sem sýnir áhrif ferðaþjónustu á nærsamfélög um allt land.

Dagskrá ráðstefnunnar má sjá hér fyrir neðan. Fundarstjóri er Nadine Guðrún Yaghi.