Ráðstefna um nýja sókn gegn kynbundnu ofbeldi og heimilisofbeldi

Umfangsmikil ráðstefna um nýja sókn gegn kynbundnu ofbeldi og heimilisofbeldi verður haldin dagana 25.-26. maí n.k. Markmið ráðstefnunnar er að efla stefnumótun og bæta þjónustu við þolendur kynbundins ofbeldis.

Sigurhæðir skipuleggja ráðstefnuna með stuðningi frá European Family Justice Center Alliance. Að ráðstefnunni standa auk þess Bjarkarhlíð, dómsmálaráðuneyti, félags- og vinnumarkaðsráðuneyti, heilbrigðisráðuneyti, Jafnréttisstofa, Mennta- og starfsþróunarsetur lögreglu, námsbraut í kynjafræðum við Háskóla Íslands, Ríkislögreglustjóri og Soroptimistaklúbbur Suðurlands.

Ráðstefnan fer fram fimmtudaginn 25. maí kl. 8.30-17.00 á Hótel Natura Reykjavík og föstudaginn 26. maí kl. 9.00-12.00 á Háskólatorgi, fyrirlestrarsal HT105, í Háskóla Íslands. Ráðstefnugjald er 5.000 kr. og innifalið er hádegisverður á fimmtudeginum.

• Skrá þátttöku á ráðstefnuna

Hröð þróun hefur orðið undanfarin misseri í að greina fyrirliggjandi þjónustu við þolendur, hvar þörf sé á að bæta úr og hvernig hægt sé að samhæfa og samræma þjónustu þeirra mismunandi aðila sem að henni þurfa að koma. Þessi þróun hefur verið áberandi víða í stjórnkerfinu, hjá þjónustuaðilum við þolendur kynbundins ofbeldis og heimilisofbeldis, lögreglu og í fræðasamfélaginu. Þekkingu á eðli ofbeldisins og afleiðingum þess hefur auk þess fleygt fram, jafnt innan stjórnkerfisins og fræðasamfélagsins og hjá þolendamiðstöðvunum sjálfum.

Á ráðstefnunni verður gefið yfirlit yfir þessa hröðu og þýðingarmiklu þróun og er markmiðið sem fyrr segir að efla stefnumótun og bæta þjónustuna við þolendur kynbundins ofbeldis.

DAGSKRÁ

FIMMTUDAGUR 25. MAÍ

    09.10-09.20  Framtíðarsýn Bjarkarhlíðar
    Jenný Kristín Valberg, forstöðukona Bjarkarhlíðar

    09.20-09.30  Þegar samfélagið stendur saman
    Kolbrún Magnea Kristjánsdóttir, teymisstjóri Bjarmahlíðar

    09.30-09.40  Það er nógur tími
    Elísabet Lorange, listmeðferðarfræðingur og meðferðarstýra Sigurhæða

09.40-10.05 
Íslenskar þolendamiðstöðvar, tækifæri og áskoranir fram undan
Kristín Anna Hjálmarsdóttir, kynjafræðingur

10.05-10.25 
Morgunkaffi

10.25-10.50 
Framtíðarskipan þjónustu vegna ofbeldis
Arndís Soffía Sigurðardóttir, sýslumaður og formaður starfshóps félags- og vinnumarkaðsráðuneytis um mótun tillagna um fyrirkomulag þjónustu vegna ofbeldis

10.50-11.15 
Aðgerðir dómsmálaráðuneytis gegn kynbundnu ofbeldi
Ragna Bjarnadóttir, skrifstofustjóri skrifstofu almanna- og réttaröryggis í dómsmálaráðuneytinu

11.15-11.40 
Breytt nálgun lögreglu
Sigríður Björk Guðjónsdóttir, Ríkislögreglustjóri

11.40-12.05 
Heilbrigðisþjónusta við þolendur kynbundins ofbeldis
Drífa Jónasdóttir, sérfræðingur í heilbrigðisráðuneytinu

12.05-12.45 
Matarhlé

12.45-13.10 
Heilsufarslegar afleiðingar áfalla
Edda Björk Þórðardóttir, sálfræðingur á geðsviði Landspítalans og lektor við læknadeild HÍ

13.10-13.35 
Trauma-informed Care and Hope based theory and practice
Pascale Franck, framkvæmdastjóri EFJCA

13.35-14.00 
EMDR-meðferð Sigurhæða og árangur hennar
Jóhanna Kristín Jónsdóttir, sálfræðingur Sigurhæða

14.00-15.00 
Masterclass: Coercive Control and the Homicide Timeline
Dr. Jane Monckton Smith, prófessor við Háskólann Gloucestershire

15.00-15.20 
Kaffihlé

15.20-16.20 
Masterclass – framhald

16.20-16.50 
Fyrirspurnir – umræður

16.50-17.00 
Dagskrá slitið

FÖSTUDAGUR 26. MAÍ

09.00-09.20 
Þjónusta sveitarfélaga við þolendur kynbundins ofbeldis: Þarf hún að aukast?
Heiða Björg Hilmisdóttir, formaður Sambands íslenskra sveitarfélaga

09.20-09.40 
Saman gegn ofbeldi í Reykjavík
Halldóra Dýrleifar Gunnarsdóttir, sérfræðingur í jafnréttismálum á mannréttinda- og lýðræðisskrifstofu Reykjavíkurborgar

09.40-10.30
The concept of coordination from the FJC perspective – Why, Who and How?
Bert Groen og Pascale Franck

10.30-10.50 
Kaffihlé

10.50-11.50 
Why, Who and How? Framhald
Bert Groen og Pascale Franck

11.50-12.00 
Lokaávarp
Hildur Jónsdóttir, verkefnisstjóri Sigurhæða

• Skrá þátttöku á ráðstefnuna.