Sprotasjóður styrkir 25 verkefni

Sprotasjóður leik- grunn- og framhaldsskóla hefur úthlutað 56,8 m.kr. til 25 skólaþróunarverkefna fyrir skólaárið 2023–2024. Mennta- og barnamálaráðherra og formaður stjórnar sjóðsins afhentu styrkina við hátíðlega athöfn í mennta- og barnamálaráðuneytinu í dag.

Sprotasjóður styður við þróun og nýjungar í skólastarfi í leik- grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga. Umsýsla er hjá Rannís. Áherslusvið sjóðsins voru að þessu sinni

• farsæld barna og ungmenna með áherslu á geðrækt, geðtengsl, geðheilbrigði,
• sköpun og hönnun,
• stafræn borgaravitund, upplýsinga- og miðlalæsi.

Eftirfarandi umsækjendur og verkefni hlutu styrki að þessu sinni:

• Leikskóli Seltjarnarness: Listaskáli á leikskóla
• Flensborgarskóli: Félagsleg tengsl  og vellíðan í nýnemabekkjum 
• Steinþór Snær Þrastarson: Hænsnakofinn
• Sunnugarður ehf.: Menningararfleið í læsistengdri skynjun
• Kópavogsbær: Við erum glöð í geði þegar við erum með !!
• Kópavogsbær: Komdu út að leika og skapa!
• Leikskólinn Goðheimar, Sveitarfélagið Árborg: Geymast mér í minni myndir bernskunar  
• Leikskólinn Miðborg: Starfshættir í aðlögun sem eflir tengslamyndun
• Helgafellsskóli: Skapið og þér munuð finna (nýjan tilgang)
• Grunnskólinn á Þórshöfn: Það vex, sem að er hlúð.
• Hafnarfjarðarkaupstaður, allir grunnskólar og mennta- og lýðheilsusvið: Kyn- og kynjafræðsla
• Tálknafjarðarskóli: Geðrækt í Tálknafjarðarskóla
• Laugalækjarskóli: Stafrænar spírur
• Menntaskólinn við Sund: Þróun nemendaþjónustu með farsæld að leiðarljósi
• Fossvogsskóli: Hundur í skóla - aukin vellíðan
• Akureyrarbær, fræðslu- og lýðheilsusvið: Bætt verklag í baráttu við skólaforðun
• Stóru-Vogaskóli: Íslenska í orði og á borði
• Mosfellsbær: Aukin farsæld hinsegin barna Í samfélaginu
• Menntaskólinn á Akureyri: Geðrækt í MA - Bjargráðin 5
• Oddeyrarskóli: Bætt líðan - aukin fræðsla
• Reykjavíkurborg: Mixið - fjölbreytt og skapandi vinna í smiðjum
• Félags- og skólaþjónusta Austur-Húnvetninga: Sameiginleg forvarnaráætlun Norðurlands Vestra
• Leikskólinn Holt: Leikgleði í gegnum  sögur og söng
• Kópavogsbær: Að efla stafræna ábyrgð nemenda.
• Sveitarfélagið Árborg: Hvernig má styðja við farsæld barna í leikskóla?

Sprotasjóði bárust 76 umsóknir í ár sem er 30% aukning frá því í fyrra.