Tómas H. Heiðar endurkjörinn dómari við Alþjóðlega hafréttardóminn
utanríkisráðuneytiðTómas var tilnefndur sameiginlega til endurkjörs af Norðurlöndunum. Nýtt starfstímabil hans hefst 1. október 2023 og er til níu ára.
Alþjóðlegi hafréttardómurinn hefur aðsetur í Hamborg og er skipaður 21 óháðum dómara, kjörnum af aðildarríkjum hafréttarsamningsins á grundvelli réttsýni og heiðarleika, auk viðurkenndrar sérfræðiþekkingar á sviði hafréttar.
Tómas gegndi áður starfi þjóðréttarfræðings í utanríkisráðuneytinu á árunum 1996 til 2014. Hann er jafnframt forstöðumaður Hafréttarstofnunar Íslands.
