Styrkur veittur til framleiðslu sjónvarpsþáttaraðar um Vigdísi Finnbogadóttur

Ríkisstjórnin samþykkti á fundi sínum í morgun tillögu Katrínar Jakobsdóttur forsætisráðherra og Lilju D. Alfreðsdóttur, menningar- og viðskiptaráðherra, um að veita leikhópnum Vesturporti fimm milljóna króna styrk vegna framleiðslu á leikinni sjónvarpsþáttaröð um Vigdísi Finnbogadóttur.

Þættirnir sem verða fjórir talsins munu fjalla um líf Vigdísar frá unglingsaldri og til þess heimsviðburðar þegar hún varð fyrst kvenna lýðræðislega kjörinn forseti. Nína Dögg Filippusdóttir mun fara með hlutverk Vigdísar í þáttunum en leikstjórar verða þau Björn Hlynur Haraldsson og Tinna Hrafnsdóttir.

Fyrirhugað er að þættirnir verði sýndir á RÚV og öðrum norrænum ríkissjónvarpsstöðvum.