Mennta- og barnamálaráðuneytið flytur í Borgartún 33

Flutningur mennta- og barnamálaráðuneytisins í Borgartún 33 stendur nú yfir. Um tímabundinn flutning er að ræða á meðan unnið er að viðamiklum endurbótum á húsnæði ráðuneytisins að Sölvhólsgötu 4.

Flutningurinn getur haft í för með sér röskun á þjónustu ráðuneytisins þar til að starfsemin kemst í eðlilegt horf í næstu viku. Beðist er velvirðingar á óþægindum sem þetta kann að valda.