Haustdagur Gott að eldast 2024
Það verður líf og fjör á Haustdegi Gott að eldast 2024 sem fram fer á Grand hótel mánudaginn 9. september nk. Haustdagurinn er fyrir starfsfólk þeirra svæða sem taka þátt í þróunarverkefnum um samþætta heimaþjónustu og er fjöldi fólks skráður til leiks.
Meginefni Haustdagsins er kynning frá öllum svæðunum og svo hraðstefnumót í lok dags þar sem starfsfólk kynnist starfsfólki frá öðrum svæðum á landinu og eignast „vin“ í verkefninu.
Auk þess verða flutt erindi um heima-endurhæfingateymi, vitundarvakningu um félagslega einangrun, tölur sem KPMG tekur nú saman fyrir Gott að eldast, áhugaverðar áherslur í þjónustu við eldra fólk og framtíðarsýn Gott að eldast.
Þá verður sýnt myndband um það hvað Gott að eldast-teymið hefur verið að vinna að undanfarin misseri.
.jpg?proc=LargeImage)
.jpg?proc=LargeImage)