Embætti listdansstjóra Íslenska dansflokksins er laust til umsóknar

Embætti listdansstjóra Íslenska dansflokksins er laust til umsóknar. Sjá nánar á starfatorg.is 

Hlutverk Íslenska dansflokksins er að sýna dansverk, vera vettvangur fyrir framþróun og nýsköpun danslistar á Íslandi og glæða áhuga landsmanna á danslist.

Listdansstjóri er forstöðumaður Íslenska dansflokksins. Listdansstjóri veitir dansflokknum listræna forystu, stýrir starfsemi hans og rekstri og mótar listræna stefnu hans. Hann ræður aðra starfsmenn flokksins og er í fyrirsvari fyrir hann.

Menningar- og viðskiptaráðherra skipar listdansstjóra til fimm ára í senn að fenginni umsögn listdansráðs, sbr. 1. mgr. 11. gr. laga um sviðslistir, nr. 165/2019. Í embætti listdansstjóra skal skipaður einstaklingur sem hefur háskólamenntun og staðgóða þekkingu og reynslu á danslist og starfssviði dansflokks. Leitað er eftir einstaklingi með leiðtogahæfni og hæfileika til nýsköpunar. Reynsla af stjórnun, rekstri og stefnumótun er kostur.

Um launakjör fer samkvæmt 39. gr. a laga nr. 70/1996, um réttindi og skyldur starfsmanna ríkisins.

Gert er ráð fyrir því að skipað verði í embættið eigi síðar en 1. ágúst 2025.Umsóknum skal fylgja ítarleg náms- og starfsferilskrá á íslensku ásamt kynningarbréfi þar sem fram kemur ástæða umsóknar og lýsing á því hvernig viðkomandi uppfyllir hæfniskröfur. Umsókn skal jafnframt fylgja greinargerð um hugmyndir umsækjanda er varðar framtíðarsýn hans á starfsemi Íslenska dansflokksins. Nánari upplýsingar geta meðlimir listdansráðs veitt.

https://id.is/um-id/#starfsfolk