Breytingar á reglugerð um vöruval, innkaup og dreifingu ÁTVR á áfengi í samráðsgátt

Fjármála- og efnahagsráðuneytið hefur lagt í samráðsgátt breytingu á reglugerð um vöruval, innkaup og dreifingu ÁTVR á áfengi.

Hæstaréttur komst að þeirri niðurstöðu í desember síðastliðnum  að sá hluti reglugerðarinnar, sem kvað á um að vöruval ÁTVR skyldi byggjast á framlegð vara (mismun á innkaupsverði og söluverði) skorti lagastoð. Í dómnum kemur fram að lög um verslun með áfengi og tóbak, sem reglugerðin byggist á, heimili að vöruval ÁTVR taki mið af eftirspurn. Þar sé hins vegar ekki minnst á framlegð.

Þær breytingar sem lagðar eru til lúta fyrst og fremst að viðbrögðum við fyrrnefndum dómi Hæstaréttar, en einnig eru lagðar til nokkrar aðrar breytingar.

Á næstum misserum er stefnt að heildarendurskoðun reglugerðarinnar og kunna ábendingar sem berast í samráðsgátt um efni reglugerðarinnar að öðru leyti að verða nýttar í þágu þeirrar vinnu.

Umsagnarfrestur er til og með 14. febrúar. 

Sjá nánar í samráðsgátt stjórnvalda.