Framhaldsskólar – breytingar til umsagnar

Frumvarp um breytingu á lögum um framhaldsskóla hefur verið lagt til umsagnar í Samráðsgátt stjórnvalda. Breytingarnar miða meðal annars að reglum um innritun í framhaldsskóla og því að taka betur á kynferðislegu ofbeldi innan skólana.

Frumvarpið felur m.a. í sér að skýra betur

• skyldur nemenda í framhaldsskólum og viðbrögð skóla við brotum nemenda,
• inntökuskilyrði þar sem tekið er tillit til fleiri þátta en námsárangurs,
• viðbrögð við kynferðislegu ofbeldi með skyldubundnum viðbragðsáætlunum,
• umgjörð um samstarf milli framhaldsskóla,
• umgjörð um viðurkenningar einkaskóla á framhaldsskólastigi,
• ferli námsbrautarlýsinga með einföldun og yfirsýn ráðherra að leiðarljósi,
• ábyrgð framhaldsskóla á að nemandi komist í vinnustaðanám,
• ábyrgð á að halda skrá yfir fyrirtæki og vinnustaði sem uppfylla skilyrði til vinnustaðanáms, ásamt viðbrögðum þegar vinnustaður uppfyllir ekki skilyrðin.

Nánar með fræðast um frumvarpið í Samráðsgátt stjórnvalda. Umsagnarfrestur í Samráðsgátt er til 5. mars nk..