Breytingar á skipan ráðuneyta í Stjórnarráði Íslands

Forseti Íslands hefur undirritað þrjá forsetaúrskurði vegna breytinga á skipan ráðuneyta í Stjórnarráði Íslands sem taka gildi á morgun, 15. mars. Með þessu fækkar ráðuneytum úr tólf í ellefu en menningar- og viðskiptaráðuneyti verður lagt niður. Þá breytast heiti þriggja ráðuneyta og málaflokkar flytjast milli ráðuneyta.

Skipan ráðuneyta og helstu breytingar á málefnasviðum:

Forsætisráðuneyti

Málefni sem flytjast til ráðuneytisins:

• Framkvæmdanefnd vegna jarðhræringa í Grindavíkurbæ – frá innviðaráðuneyti.

Atvinnuvegaráðuneyti (nýtt heiti á matvælaráðuneyti)

Málefni sem flytjast til ráðuneytisins:

• Viðskipti, ferðamál og neytendamál – frá menningar- og viðskiptaráðuneyti.
• Málefni iðnaðar – frá háskóla-, iðnaðar- og nýsköpunarráðuneyti.

Málefni sem flytjast frá ráðuneytinu:

• Skógrækt og landgræðsla – til umhverfis-, orku- og loftslagsráðuneytis.

Dómsmálaráðuneyti

Málefni sem flytjast til ráðuneytisins:

• Jafnréttismál, mannréttindi og mannréttindasamningar, að undanskildum Samningi Sameinuðu þjóðanna um réttindi fatlaðs fólks – frá félags- og vinnumarkaðsráðuneyti.
• Ábyrgð á móttökumiðstöð umsækjenda um alþjóðlega vernd – frá félags- og vinnumarkaðsráðuneyti.
• Málefni Þjóðskrár – frá innviðaráðuneyti. 

Málefni sem flytjast frá ráðuneytinu:

• Áfengislög – til fjármála- og efnahagsráðuneytis.

Félags- og húsnæðismálaráðuneyti (nýtt heiti á félags- og vinnumarkaðsráðuneyti)

Málefni sem flytjast til ráðuneytisins:

• Húsnæðis- og mannvirkjamál og skipulagsmál – frá innviðaráðuneyti.
• Málefni aldraðra, að undanskilinni heilbrigðisþjónustu – frá heilbrigðisráðuneyti.

Málefni sem flytjast frá ráðuneytinu:

• Jafnréttismál, mannréttindi og mannréttindasamningar, að undanskildum Samningi Sameinuðu þjóðanna um réttindi fatlaðs fólks – til dómsmálaráðuneytis.
• Ábyrgð á móttökumiðstöð umsækjenda um alþjóðlega vernd – til dómsmálaráðuneytis.
• Framhaldsfræðsla og málefni Fræðslusjóðs – til mennta- og barnamálaráðuneytis.

Fjármála- og efnahagsráðuneyti

Málefni sem flytjast til ráðuneytisins:

• Áfengislög – frá dómsmálaráðuneyti.

Heilbrigðisráðuneyti

Málefni sem flytjast frá ráðuneytinu:

• Málefni aldraðra, að undanskilinni heilbrigðisþjónustu – til félags- og húsnæðismálaráðuneytis.

Innviðaráðuneyti

Málefni sem flytjast til ráðuneytisins:

• Fjarskipti – frá háskóla-, iðnaðar- og nýsköpunarráðuneyti.

Málefni sem flytjast frá ráðuneytinu:

• Húsnæðis- og mannvirkjamál og skipulagsmál – til félags- og húsnæðismálaráðuneytis.
• Framkvæmdanefnd vegna jarðhræringa í Grindavíkurbæ – til forsætisráðuneytis.
• Málefni Þjóðskrár – til dómsmálaráðuneytis.

Horfið var frá fyrirhuguðum breytingum á heiti ráðuneytisins í samgöngu- og sveitarstjórnarráðuneyti. Heiti samgöngu- og sveitarstjórnarráðherra verður því aftur innviðaráðherra.

Menningar-, nýsköpunar- og háskólaráðuneyti (nýtt heiti á háskóla-, iðnaðar- og nýsköpunarráðuneyti)

Málefni sem flytjast til ráðuneytisins:

• Fjölmiðlar, höfundaréttur, safnamál, íslenska, listir og menning – frá menningar- og viðskiptaráðuneyti.

Málefni sem flytjast frá ráðuneytinu:

• Fjarskipti – til innviðaráðuneytis.
• Málefni iðnaðar – til atvinnuvegaráðuneytis.

Mennta- og barnamálaráðuneyti

Málefni sem flytjast til ráðuneytisins:

• Framhaldsfræðsla og Fræðslusjóður – frá félags- og vinnumarkaðsráðuneyti.

Umhverfis-, orku- og loftsráðuneyti

Málefni sem flytjast til ráðuneytisins:

• Skógrækt og landgræðsla – frá matvælaráðuneyti.

Utanríkisráðuneyti

Engar efnislegar breytingar verða á málaflokkum utanríkiráðuneytisins en þó skerpt á því að ráðuneytið fari með gerð fiskveiðisamninga við erlend ríki. Áður hefur verið greint frá flutningi netöryggissveitar CERT-IS til ráðuneytisins frá Fjarskiptastofu.

Forsetaúrskurður um skiptingu Stjórnarráðs Íslands í ráðuneyti

Forsetaúrskurður um skiptingu stjórnarmálefna milli ráðuneyta í Stjórnarráði Íslands

Forsetaúrskurður um skiptingu starfa ráðherra