Opnað fyrir umsóknir um framlög úr byggðaáætlun til verkefna á sviði almenningssamgangna

Opnað hefur verið fyrir umsóknir um framlög til verkefna á sviði almenningssamgangna, sem innviðaráðherra veitir á grundvelli stefnumótandi byggðaáætlunar fyrir árin 2022-2036 (aðgerð A.10 – Almenningssamgöngur á milli byggða).

Markmiðið er að styðja við áframhaldandi þróun almenningssamgangna milli byggða, m.a. til að tengja ýmsa sérakstursþjónustu við almenningssamgöngur. Til ráðstöfunar verða allt að 27 milljónir kr.

Umsóknarfrestur er til miðnættis mánudaginn 5. maí 2025.

• Upplýsingar og umsóknargögn á vef Byggðaáætlunar