Vegna mikillar fjölgunar greindra smita af COVID-19 á undanförnum dögum hefur verið ákveðið að endurvekja bakvarðasveit heilbrigðisþjónustunnar. Því er enn á ný óskað eftir liðsinni heilbrigðisstarfsfólks sem er reiðubúið að koma tímabundið til starfa með skömmum fyrirvara, hvort sem er í fullt starf, hlutastarf eða tímavinnu, eftir því sem aðstæður leyfa.

Þau sem voru skráð í bakvarðasveitina og sjá sér enn fært að veita liðsinni eru vinsamlega beðin um að skrá sig þar á ný. 

• Skrá sig í bakvarðasveitina.

Fyrirkomulag varðandi bakvarðasveitina er eins og áður. Opinberar heilbrigðisstofnanir sem óska eftir að ráða liðsauka úr bakvarðasveit heilbrigðisþjónustunnar geta nálgast lista með upplýsingum um þá sem hafa skráð sig til þátttöku hjá heilbrigðisráðuneytinu. Þær munu sjálfar hafa beint samband við bakverði og verður ráðningarsambandið milli viðkomandi stofnunar og þess/þeirra bakvarða sem ráða sig til starfa. Stofnanirnar sem um ræðir eru: Heilsugæsla höfuðborgarsvæðisins, heilbrigðisstofnanir á landsbyggðinni, Landspítali og Sjúkrahúsið á Akureyri.

Jafnframt er athygli vakin á bakvarðasveit velferðarþjónustunnar og tilkynningu félagsmálaráðuneytisins um skráningu í hana.

Spurt og svarað um bakvarðasveitina:

Eftir hverjum er óskað í bakvarðasveitina?

Til hve langs tíma?

Hver eru launin?

Hver eru réttindi þeirra sem ráða sig til starfa?

Hvar skráir fólk sig í bakvarðasveitina?

Hvernig verður staðið að ráðningunni?