Íslensk ferðaþjónustufyrirtæki kynntu Ísland í Peking

Íslensk ferðaþjónustufyrirtæki í samstarfi við sendiráð Íslands í Kína stóðu fyrir sérstökum kynningarbás til að kynna og markaðsetja Ísland sem ferðamannastað á sýningunni China International Fair for Trade in Services í Peking í dag.

William Freyr Huntingdon-Williams, staðgengill sendiherra, og Pétur Yang, viðskiptafulltrúi sendiráðsins, sóttu sýninguna og ræddu við fulltrúa íslenskra fyrirtækja á sýningunni, sem og ráðstefnugesti. Fjölmiðlar tóku viðtöl við William, sem ræddi um mikilvægi þjónustuviðskipta á milli Íslands og Kína og Íslands sem ferðamannastaðar.

William tók síðan þátt í þemadegi Hubei-héraðs á sama vettvangi með fulltrúum annarra Norðurlanda, vara-héraðsstjóra Hubei og borgarfulltrúum borga í héraðinu, s.s. Wuhan-borg sem er vinabær Kópavogs.