Opinn fundur um trúfrelsi á Íslandi

Innanríkisráðuneytið stendur fyrir opnum morgunverðarfundi um trúfrelsi á Íslandi miðvikudaginn 7. mars nk. kl. 8.30–10.00 á efri hæðinni í Iðnó. Þetta er þriðji fundurinn í fundaröð ráðuneytisins um mannréttindamál í tengslum við mótun landsáætlunar í mannréttindum. Fundurinn er öllum opinn og aðgangur ókeypis.

Ögmundur Jónasson innanríkisráðherra opnar fundinn og síðan flytja erindi þau Ragnhildur Helgadóttir, prófessor við lagadeild Háskólans í Reykjavík, Hjalti Hugason, prófessor við guðfræði- og trúarbragðadeild Háskóla Íslands og Bjarni Jónsson, varaformaður Siðmenntar.

Umfangsmikil vinna fer nú fram í innanríkisráðuneytinu í tengslum við mótun landsáætlunar í mannréttindum. Með fundaröðinni er leitast við að fá sem flesta til að taka þátt í stefnumótun í málaflokknum til að hún eigi sér ekki aðeins stað innan veggja ráðuneyta heldur í samstarfi og í beinum tengslum við hagsmunaaðila, fræðasamfélag og almenning.

Dagskrá

 kl. 8.30-10.00

Ögmundur Jónasson, innanríkisráðherra  opnar fundinn.

Ragnhildur Helgadóttir, prófessor við lagadeild Háskólans Í Reykjavík

Hjalti Hugason, prófessor við guðfræði- og trúarbragðadeild Háskóla Íslands

Bjarni Jónsson, varaformaður Siðmenntar

Í framhaldi af erindum verða almennar umræður og fyrirspurnir.

• Sjá einnig fréttir frá fyrri fundum í fundaröð í tengslum við mótun landsáætlunar í mannréttindum:
  Mótun landsáætlunar í mannréttindamálum hafin
  Rætt um tjáningarfrelsi og lýðræði